Showing results by narrator "Albert M John" in All Categories

മുഖ്യമന്ത്രി എന്ന നിലയിലും രാഷ്ട്രീയപ്രവര്‍ത്തകന്‍ എന്ന നിലയിലും സര്‍വ്വോപരി ഇന്ത്യന്‍ പൗരന്‍ എന്ന നിലയിലും സമകാലികാവസ്ഥകളോടുള്ള പിണറായി വിജയന്റെ നിലപാടുകളുടെ പുസ്തകമാണിത്. ശബരിമല സ്ത്രീപ്രവേശനവും തുടരേണ്ട നവോത്ഥാനശ്രമങ്ങളും പൗരത്വഭേ ദഗതിനിയമവുമെല്ലാം ഇവിടെ ചർച്ചാവിഷയമാകുന്നു. പുരോഗമനാത്മകവും സാമൂഹ്യോന്മുഖവും വ്യക്തതയുള്ളതുമായ നിലപാടുകളാണ് ഓരോ വിഷയത്തിലും ഉള്ളതെന്ന് വിമര്‍ശകര്‍പോലും സമ്മതിക്കുന്ന തരത്തില്‍ ശരിയുടെയും മനുഷ്യത്വത്തിന്റെയും പക്ഷം പിടിക്കുന്ന ലേഖനങ്ങളുടെ സമാഹാരം.

ആന്ധ്ര അരി, വിമോചന സമരവും സി.ഐ.എ.യും, രാജന്‍ വധം, കൂത്തുപറമ്പ് വെടിവയ്പ്, കരിക്കന്‍വില്ല കൊലക്കേസ്, ലാവ്‌ലിന്‍ കേസ്, മുത്തങ്ങ സംഭവം, സോളാര്‍ അഴിമതി തുടങ്ങി മലയാളക്കരയെ പിടിച്ചുലച്ച ആരോപണങ്ങളും വിവാദങ്ങളും.

1805-നും 1813-നും ഇടയ്ക്കു നടന്ന നെപ്പോളിയന്‍ ചക്രവര്‍ത്തിയുടെ റഷ്യനാക്രമണമാണ് ഇതിഹാസ സമാനമായ ഈ നോവലിന്റെ ഇതിവൃത്തം. പത്തൊന്‍പതാം നൂറ്റാണ്ടിന്റെ ആദ്യപാദങ്ങളിലെയും പതിനെട്ടാം നൂറ്റാണ്ടിന്റെ അന്ത്യപാദങ്ങളിലെയും യുറോപ്പിന്റെയും റഷ്യയുടെയും ചരിത്രത്തിലെ ഉജ്ജ്വലമായ ഒരു അദ്ധ്യായം യുദ്ധവും സമാധാനവും അനാവരണം ചെയ്യുന്നു. നാടകീയമായ രംഗങ്ങളും അവിസ്മരണീയ കഥാപാത്രങ്ങളും ഇടതിങ്ങിനില്‍ക്കുന്ന ഈ ഗ്രന്ഥത്തില്‍ മനുഷ്യമനസ്സിന്റെ വൈവിദ്ധ്യവും വൈചിത്ര്യവും അഗാധതയും എല്ലാം ഒരു ബഹുമുഖ മായാദര്‍പ്പണത്തിലെന്നപോലെ കാണാം. മഹര്‍ഷിതുല്യമായ അവധാനതയോടെ ടോള്‍സ്‌റ്റോയ് ജീവിതത്തിന്റെ അന്തസ്രോതസ്സുകള്‍ വെളിപ്പെടുത്തുന്നു.

എന്നെ ഇസ്മായേല്‍ എന്നു വിളിച്ചുകൊള്ളൂ: മൊബിഡിക്കിന്റെ ആദ്യാദ്ധ്യായത്തിലെ ഈ വാക്യം ഇംഗ്ലീഷ് ഭാഷാ സാഹിത്യത്തിലെ ഏറ്റവും അറിയപ്പെടുന്ന ആരംഭവാക്യങ്ങളില്‍ ഒന്നാണ്. കച്ചവടക്കപ്പലുകളില്‍ പ്രവൃത്തിപരിചയത്തിനു ശേഷം തിമിംഗിലക്കപ്പലുകളില്‍ ഭാഗ്യം പരീക്ഷിക്കാന്‍ നിശ്ചയിച്ച നിരീക്ഷണകുതുകിയായ ഒരു യുവാവായിരുന്നു ഇസ്മായേല്‍. ന്യൂയോര്‍ക്കിലെ മാന്‍ഹാട്ടന്‍ ദ്വീപില്‍ നിന്നു യാത്ര തിരിച്ച്, തണുത്തു വിഷാദം നിറഞ്ഞ ഒരു രാത്രിയില്‍ മാസ്സച്യൂസെറ്റ്‌സിലെ ബെഡ്‌ഫോര്‍ഡില്‍ എത്തിച്ചേര്‍ന്ന അയാള്‍ക്ക് സത്രത്തില്‍, കിടക്ക പങ്കിടേണ്ടി വന്നത്, അയാള്‍ ചെല്ലുമ്പോള്‍ അവിടെയില്ലാതിരുന്ന ഒരു അപരിചിതനുമായായിരുന്നു.

പരമോന്നത സൈനികബഹുമതിയായ പരമവീരചക്രം ലഭിച്ച സൈനികരുടെ ജീവിതം. രാജ്യത്തിനുവേണ്ടി ജീവൻവെടിഞ്ഞ ധീരബലിദാനികളായ സൈനികരുടെ പോരാട്ടത്തിന്റെ വിവരണമാണ് പുസ്തകത്തിലുള്ളത്

മനുഷ്യമനസ്സിന്റെ ചേതനത്വവും സ്വാഭാവി കതയും സഹജവാസനകളും അതേപടി ചിത്രീകരിക്കുന്നവയാണ് ഡി.എച്ച്. ലോറന്‍ സിന്റെ കഥകള്‍. പ്രകോപനപരവും ആസ്വാദ്യ കരവുമായ രചനകളിലൂടെ ലോകസാഹി ത്യത്തില്‍ അനിഷേധ്യസ്ഥാനം ഉറപ്പിച്ച അദ്ദേഹത്തിന്റെ പ്രശസ്തമായ കഥകളുടെ പരിഭാഷ.

നൈൽ നദിയിലെ ഒരു ക്രൂയിസ് കപ്പൽ യാത്രയ്ക്കിടയിൽ സുന്ദരിയും പരിഷ്‌കാരിയുമായ ലിനറ്റ് റിഡ്‌ജ്വേ കൊല്ലപ്പെടുന്നു. ഹെർക്യൂൾ പൊയ്‌റോട് എങ്ങിനെയാണ് ഈ കൊലപാതകം തെളിയിക്കുക!