துரைமுருகனின் பொது செயலாளர் பதவியை பறித்துவிட்டு வேறொரு சீனியருக்கு கொடுக்கும் திட்டம் என டாக். இதற்கு அச்சாரமாக, மேலிட மாப்பிள்ளை கேட்ட கேள்வியால், துரைமுருகன் அப்செட் என தகவல்.

இதனால் இன்னொரு பக்கம் எடப்பாடி ஹேப்பி. அவர் போடும் லாபக் கணக்கு.

இன்னொரு பக்கம், 'திமுக - மதிமுக கூட்டணி' உடைகிறதா? காரணம் , சாரைசாரையாக திமுகவில் இணைந்த மதிமுகவினர். மு.க ஸ்டாலின் கொடுத்த கிரீன் சிக்னலால், தட்டித் தூக்கிய செந்தில் பாலாஜி என்கின்றனர். முக்கிய பின்னணியாக, மதிமுக பொதுக்குழு கூட்டத்தில், ஸ்டாலினை சீண்டிய சமாச்சாரங்கள் உள்ளன என்கிறார்கள்.

நூற்றாண்டு விழா கொண்டாடுகிறது ஆர்.எஸ்.எஸ். இந்த நேரத்தில் ஆர்எஸ்எஸ் தலைவர் மோகன் பகவத் தமிழ்நாட்டிற்கு வந்துள்ளார். இங்கே பிஜேபி-யை வெற்றி பெற வைக்க, மண்டல வாரியாக, ஆன்மீக மாநாடு என ஆறு முக்கியமான வியூகங்களை வகுத்துக் கொடுத்துள்ளார். இன்னொரு பக்கம் பாஜக கூட்டணியால் இரண்டு முக்கிய நெருக்கடியை சந்திக்கிறது அதிமுக.

இந்த சிக்கலில் இருந்து மீள்வதற்காகவும் எச்சரிக்கை கொடுக்கும் வகையில் ஆர்பி உதயகுமார் சில நகர்வை முன்னெடுத்துள்ளார்.

புது புது அசைன்மென்ட்களும் கொடுத்துள்ளார் எடப்பாடி.

மதுரையில் முருக பக்தர்கள் மாநாடு பிரமாண்டமாக நடந்து முடிந்துள்ளது.

இது முழுமையாக இந்துக்கள் வாக்குகளை அறுவடை செய்து விடும் என நம்பிக்கையோடு லாபக் கணக்கு போடுகிறது பாஜக. அதே நேரத்தில் இந்த மாநாட்டில் தந்தை பெரியார், பேரறிஞர் அண்ணா ஆகியோரை விமர்சித்த காணொளி . அந்த நேரத்தில் அமைதியாக வேடிக்கை பார்த்த அதிமுக-வின் முன்னாள் அமைச்சர்களான ஆர்பி உதயகுமார்,கடம்பூர் ராஜு, ராஜேந்திர பாலாஜி , செல்லூர் ராஜு உள்ளிட்டோர். திராவிடத்திலிருந்து நழுவுகிறதா அதிமுக? என கடும் நெருக்கடியை சந்திக்கும் எடப்பாடி. அதே நேரத்தில் பாஜக Vs திமுக என களம் உருவாவதில் அமித் ஷா மகிழ்ச்சி. இவை எல்லாவற்றையும் முறியடிக்க மூன்று ஆன்மீக அஜெண்டா-க்களை கையில் எடுத்துள்ளார் மு.க ஸ்டாலின். அது, பாஜக முன்வைக்கும் பிளவுவாத ஆன்மீக அரசியலை அடித்து விரட்டும் என்கிறார்கள் அறிவாலயத்தினர்.